महाराष्ट्र एज्युकेशन सोसायटीच्या सासवड येथील बाल विकास मंदिर शाळेत नवीन शैक्षणिक वर्षाच्या सुरुवातीलाच इयत्ता पहिली मध्ये प्रवेश घेतलेल्या विद्यार्थ्यांचे मुख्याध्यापिका , महिला शिक्षकांनी औक्षण करून तसेच पुष्पवृष्टी करून सुमधुर संगीतात स्वागत केले. यावेळी शाळेत सर्वत्र फुगे लावण्यात आली होती. ठिकठिकाणी रांगोळ्या काढल्या होत्या. विशेष म्हणजे विद्यार्थ्यांना आकर्षित करणारा सेल्फी पॉईंट तयार करण्यात आला होता. शासनाच्या नियमानुसार पहिली ते चौथीच्या सर्व विद्यार्थ्यांना नवीन मोफत पाठ्यपुस्तके वाटप केले, तसेच गोड खाऊ दिला. यावेळी मुख्याध्यापिका सौ. प्रतिभा गायकवाड सर्व शिक्षक उपस्थित होते.
